Манай институтийн төлөөлөл Токиогийн Технологийн Их Сургуулиар (Tokyo Institute of Technology) зочиллоо.

Манай институт Япон улсдаа сургалтын чанараараа тэргүүлдэг, техник технологийн өлгий гэж нэрлэгддэг Токиогийн Технологийн Их Сургуулиар (Tokyo Institute of Technology) зочиллоо.

Тус сургуулийн “Нийгэм ба хүрээлэн буй орчны тэнхим”-ийн эрхлэгч Prof. Jun-ichi Takada болон Олон улсын харилцаа хариуцсан дэд ерөнхийлөгч Prof. Nobuhiro Hayashi нар найрсгаар угтан авч сургуулийн үйл ажиллагаа болон цаашид хийгдэх ажлууд дээр хэрхэн хамтрах талаар уулзалт зохион байгууллаа.

Мөн тус сургуулийн Дэлхийд энерги зарцуулалтаараа хамгийн бага (Green energy) супер компьютеруудын нэг болох TSUBAME 3.0-тай танилцаж, тооцоолол болон симуляцийн талаар мэдээлэл авлаа. Энэхүү супер компьютер нь 4 тэрбум иений өртгөөр бүтсэн бөгөөд хиймэл оюун ухаан, тооцооллыг маш хурдтай тооцоолох чадвартай юм.

Авто замын салбарт SmartPavement, Machine Learning болон Big data collection зэрэг технологиуд хөгжиж байгаа өнөө үед тус сургуулийн жолоочгүй тээврийн хэрэгслийн судалгаатай танилцсан үр өгөөжтэй уулзалтууд болж өндөрлөлөө.