Сургалтын талаар

Хучилтын менежмент нь авто замын үйл ажиллагаа, бүтцийн төлөв байдлын талаар мэдээлэл өгөх зорилготойгоор бүтээгдсэн систем бөгөөд ингэснээр зам эзэмшигчид хамгийн бага зардлаар авто замын хөдөлгөөнд оролцогчдод аюул саадгүй зорчих боломжийг олгодог. Мөн засвар, шинэчлэлтийн төлөвлөлт, санхүүжилтийн талаар шийдвэр гаргагчдад авто замын сүлжээний нөхцөл байдлын талаар үнэн зөв, найдвартай мэдээллээр хангахад тусалдаг. Манай улсад хучилтын менежментийн асуудал нь хучилтанд тодорхой хэмжээний харагдахуйц эвдрэл үүссэний дараа замыг голчлон стандарт аргаар засдаг реактив арчилгааг дэмждэг уламжлалтай байдаг. Сүүлийн жилүүдэд дижитал хэлбэрт шилжсэн дэвшилтэт судалгааны арга барил, түүнчлэн замын эвдрэлийн механизм, хучилтын эвдрэлийн үндсэн шалтгааныг илүү сайн ойлгосноор засвар үйлчилгээний идэвхтэй бодлого руу шилжих боломжтой болж байгаа билээ. Эдгээр бодлогуудыг ашигласнаар асуудлын үндсэн шалтгааныг тодорхойлж түүний дараа засварын ажлыг эхлүүлхэд чиглэгддэг. Ирээдүйд шинэ технологи нь хучилтыг харагдахуйц эвдрэлээс өмнө засах боломжийг олгох чиглэлрүү явж байна. Үүнийг зөв хэрэгжүүлсэн тохиолдолд жилийн хучилтын зардал нь эвдэрсний дараа зассанаас гарах зардлаас хамаагүй бага байх боломжтой болдог.

Сургалтын зорилго

Энэхүү сургалтын зорилго нь авто замын салбарт ажилладаг хүмүүст Хучилтын менежментийн системийн талаар ойлголтыг өгч хатуу хучилттай болон хайрган хучилттай замын сүлжээний ашиглалтын хугацаанд нөлөөлж буй эвдрэлийн механизм, тэдгээрийг өөр өөр технологиор хэрхэн хянах талаар илүү сайн ойлгоход туслах болно. Байгууллагууд хэрхэн илүү хэмнэлттэй, идэвхтэй засвар үйлчилгээний бодлогыг баримталдаг тухай онолын болон практик жишээг өгөх болно. Агуулга нь хамгийн сүүлийн үеийн судалгааны үр дүн, олон улсын сургалтын багшийн практик туршлагад тулгуурлан эх хэлнээ буулгасан гэдгээрээ давуу талтай юм.

Сургалтаас гарах үр дүн

Та бүхэн ажлынхаа хажуугаар өөрийн сонирхсон сэдвээр судалгаа хийх хүсэлтэй ч хаанаас мэдээлэл, эх сурвалжаа цуглуулах талаар мөн хэрхэн шинжлэх ухааны өгүүлэл бичих талаар мэдэхгүй байвал манай сургалтыг сонирхоод үзээрэй.