"iROAD-Инженерийн Хурдасгуур 2022" хөтөлбөрийн оролцогчдын дүгнэлт, уулзалт амжилттай болж өндөрлөлөө.

“Инженерийн хурдасгуур 2022” хөтөлбөрийн оролцогчдын дүгнэлт, уулзалт цахимаар зохион байгуулагдаж хөтөлбөрийн зохион байгуулагчид болон төгсөгч инженерүүд оролцлоо.

Хөтөлбөрт амжилттай оролцсон инженерүүд нь өөрт гарсан өөрчлөлт, ололт амжилтуудыг дурдаж, хөтөлбөрийн талаарх сэтгэгдлээ хуваалцлаа.

Бүгд талархаж байгаагаа илэрхийлж ажил мэргэжил болон амьдрал дээр хэрэгжүүлж, хэвшүүлж яваа сурсан мэдсэн зүйл болоод, манлайлах ур чадвартаа сэтгэл хангалуун байгаа гэдгээ дурдацгаав.

Оролцогчдын жилийн хугацаанд гаргасан ололт, амжилтаас дүгнэхэд “Инженерийн Хурдасгуур 2022” хөтөлбөр нь инженер хүнд байх ёстой ур чадварууд, салбартаа манлайлах инженерүүдийг системтэйгээр бэлтгэж, хувь хүний хандлага, харах өнцгийг эергээр өөрчилсөн үр дүнтэй хөтөлбөр болсон гэж үзэж байна.

Манай институт цаашид “Инженерийн Хурдасгуур” хөтөлбөрийг илүү сайжруулж, олон залуу инженерүүдийг хамруулахыг зорьж байна.